ठळक घडामोडी

💧दुष्काळावर मात करण्यासाठी होडावडे ग्रामस्थांचा जलसंवर्धनाचा पुढाकार! बाजारपेठेनजीक ओढ्यावर सिमेंटच्या गोण्यांतून उभारला वनराई बंधारा; विहिरींची पाणीपातळी वाढण्यास होणार मदत

Mahasindhu
October 5, 2026
News, कोकण, प्रादेशिक, महाराष्ट्र, वेंगुर्ले, सिंधुदुर्ग

बाजारपेठेनजीक ओढ्यावर सिमेंटच्या गोण्यांतून उभारला वनराई बंधारा; विहिरींची पाणीपातळी वाढण्यास होणार मदत

सावंतवाडी । प्रतिनिधी :
एल निनोच्या प्रभावामुळे निर्माण झालेल्या दुष्काळसदृश परिस्थितीच्या पार्श्वभूमीवर होडावडे येथील ग्रामस्थांनी जलसंवर्धनासाठी पुढाकार घेत वनराई बंधारा उभारला आहे. ग्रामस्थांच्या एकजुटीतून आणि सहकार्यातून हा बंधारा पूर्ण करण्यात आला.

होडावडे गावात सध्या पाण्याची पातळी झपाट्याने खालावत असून, आगामी काळात पाणीटंचाईची तीव्रता वाढण्याची शक्यता आहे. या परिस्थितीचा विचार करून होडावडे बाजारपेठेनजीक असलेल्या ओढ्यावर सिमेंटच्या पिशव्यांच्या साहाय्याने वनराई बंधारा बांधण्यात आला.

या उपक्रमासाठी ग्रामस्थांनी श्रमदान व सहकार्य करत बंधाऱ्याचे काम पूर्ण केले. बंधाऱ्यामुळे ओढ्यातील पाण्याचा प्रवाह काही काळ अडवून पाण्याचा साठा निर्माण होण्यास मदत होणार आहे. तसेच या पाण्याचा जमिनीत निचरा झाल्याने परिसरातील विहिरींची पाणीपातळी वाढण्यास हातभार लागणार आहे.

दुष्काळसदृश परिस्थितीत शासनाच्या मदतीची वाट न पाहता ग्रामस्थांनी एकत्र येत जलसंवर्धनासाठी उचललेले हे पाऊल कौतुकास्पद असून, गावातील इतर भागांतही अशा प्रकारचे छोटे बंधारे उभारण्याची गरज व्यक्त होत आहे.

Related Posts

पंढरपूर वारीतील वारकऱ्यांच्या सुविधांसाठी पालकमंत्री नितेश राणे यांचे सहकार्याचे आवाहन

वर्सोवा कोळीवाड्यात मंत्री नितेश राणे यांनी मच्छीमार बांधवांसोबत साजरी केली दिवाळी

दीपावलीनिमित्त शिवसेना जिल्हाप्रमुख संजू परब यांच्याकडून दीपकभाई केसरकर यांना शुभेच्छा!

गोव्यावरून आलेल्या निराधार आजीला सामाजिक बांधिलकी प्रतिष्ठानने दिला आधार.