विकासभाई सावंत यांच्या जयंतीनिमित्त आरपीडी प्रशालेत भावपूर्ण अभिवादन

सावंतवाडी, दि. २०:
समाजकारण, शिक्षण आणि जनसेवेच्या क्षेत्रात आपल्या कर्तृत्वाचा अमिट ठसा उमटविणारे दिवंगत नेते विकासभाई सावंत यांच्या जयंतीचे औचित्य साधून, सावंतवाडी येथील आरपीडी प्रशालेत त्यांना भावपूर्ण आदरांजली वाहण्यात आली. याप्रसंगी उपस्थित मान्यवरांनी विकासभाईंच्या स्मृतींना कृतज्ञतापूर्वक उजाळा देत, त्यांनी दाखविलेल्या लोकसेवेच्या मार्गावर चालण्याचा आणि त्यांचा वैचारिक वारसा पुढील पिढीपर्यंत पोहोचविण्याचा दृढ संकल्प व्यक्त केला.

कार्यक्रमाच्या प्रारंभी विकासभाई सावंत यांच्या प्रतिमेस पुष्पहार अर्पण करून अत्यंत आदराने अभिवादन करण्यात आले. त्यानंतर उपस्थित मान्यवरांनी विकासभाईंच्या सामाजिक, शैक्षणिक आणि लोकाभिमुख कार्याचा आढावा घेत त्यांच्या आठवणींना उजाळा दिला. विकासभाईंचे व्यक्तिमत्त्व, त्यांची समाजाप्रती असलेली अफाट बांधिलकी आणि शिक्षण क्षेत्राच्या प्रगतीसाठी त्यांनी दिलेले योगदान याबद्दल सर्वांनीच कृतज्ञता व्यक्त केली.

###*वडिलांच्या विचारांचा वारसा पुढे नेणार: विक्रांत सावंत###

या प्रेरणादायी कार्यक्रमात शिक्षण प्रसारक मंडळ सावंतवाडीचे अध्यक्ष तथा जिल्हा परिषद सदस्य विक्रांत सावंत यांनी विकासभाईंच्या कार्याचा गौरव केला. वडिलांनी जनसेवेचा जो आदर्श घालून दिला आहे, तोच विचारांचा वारसा अत्यंत निष्ठेने पुढे नेण्याचा संकल्प त्यांनी याप्रसंगी बोलताना केला.

यावेळी व्यासपीठावर संस्थेचे: उपाध्यक्ष डॉ. दिनेश नागवेकर ,सचिव व्ही. बी. नाईक
ज्येष्ठ सामाजिक कार्यकर्त्या वंदना करंबळेकर,विकासभाईंचे बंधू अण्णा सावंत,ज्येष्ठ पत्रकार सीताराम गावडे, अभिमन्यू लोंढे,मुख्याध्यापिका संप्रवी कशाळीकर,प्रभारीमुख्याध्यापिका: डॉ. सुमेधा धुरी या मान्यवरांसह संस्थेचे इतर पदाधिकारी, शिक्षक, शिक्षकेतर कर्मचारी आणि विद्यार्थ्यांनी मोठ्या संख्येने उपस्थित राहून विकासभाईंच्या स्मृतींना वंदन केले.

कार्यक्रमाच्या शेवटी, अत्यंत भावनिक आणि प्रेरणादायी वातावरणात खालील चारोळीच्या माध्यमातून त्यांना भावपूर्ण श्रद्धासुमने अर्पण करण्यात आली:

*”कार्याने जे उजळले जीवन, स्मृतींनी ते अमर झाले, *सेवेच्या त्या दीपस्तंभाला, आज पुन्हा वंदन झाले!* विकासभाईंच्या विचारांची, राहो सदैव प्रेरणा, जनसेवेच्या वाटेवरती, फुलो नवी चेतना!”