गुरुपौर्णिमा निमित्त पालखी सोहळा
सावंतवाडी दि.
सालाबादप्रमाणे गुरुपौर्णिमेच्या निमित्ताने महाराष्ट्र राज्याचे माजी शिक्षणमंत्री तथा आमदार श्री. दीपकभाई केसरकर यांच्या श्रीधर अपार्टमेंटमध्ये उद्या दिनांक ०९/०७/२०२५ रोजी सायंकाळी ठीक ५.०० वाजता माडखोल साईमंदिर येथून साईबाबांच्या पादुका व पालखी यांचे आगमन होणार आहे. त्याठिकाणी श्री. दीपकभाई केसरकर सपत्नीक पादुका पुजा, भाविकांसाठी पादुका दर्शन, रात्री भजन असा कार्यक्रम होणार आहे.
तसेच दिनांक १०/०७/२०२५ रोजी सकाळी ९.०० वाजता पादुकांसह पालखी पायी भाविकांच्या उपस्थितीत माडखोल साईमंदिरात जाणार असून मार्गावर सर्व भाविकांना पादुका/ पालखीचे दर्शन घेता येईल.
तरी सर्व साईभक्तांनी / कार्यकर्त्यांनी दोन्ही दिवशी गुरुपौर्णिमा पादुका व पालखीच्या दर्शनाचा तिर्थप्रसादाचा लाभ घ्यावा असे श्री. दीपक केसरकर यांच्या संपर्क कार्यालयातून कळविण्यात येत आहे.
