वेंगुर्ला / प्रतिनिधी:
मठ (वेंगुर्ला) ग्रामपंचायतीच्या उपसरपंचपदाची निवड प्रक्रिया नुकतीच उत्साहात पार पडली असून, या रिक्त पदावर सौ. सिद्धी हेमंत गावडे यांची नूतन उपसरपंच म्हणून एकमताने निवड करण्यात आली आहे. तत्पूर्वी, तत्कालीन उपसरपंच सौ. सोनिया उमेश मठकर यांनी आपल्या पदाचा राजीनामा दिल्यामुळे हे पद रिक्त झाले होते.
मठ ग्रामपंचायत कार्यालयात आज, दिनांक १५ जून २०२६ रोजी आयोजित विशेष बैठकीत ही निवड प्रक्रिया पार पडली. निवडणूक निर्णय अधिकारी तथा ग्रामविकास अधिकारी श्री. केळुसकर यांनी या संपूर्ण निवडणूक प्रक्रियेचे कामकाज पाहिले.
या निवड प्रसंगी गावातील प्रमुख पदाधिकारी, ग्रामपंचायत सदस्य आणि मान्यवर मोठ्या संख्येने उपस्थित होते. यामध्ये प्रामुख्याने श्री. नितीन रामचंद्र मांजरेकर (पंचायत समिती सदस्य)सौ. रुपाली अजित नाईक (सरपंच, मठ),सौ. सोनिया उमेश मठकर** (माजी उपसरपंच),श्री. सुभाष चंद्रकांत बोवलेकर** (मंडळ सदस्य),श्री. रवींद्र विष्णू खानोलकर (मंडळ सदस्य)
यांच्यासह श्री. अजित कृष्णा नाईक, श्री. महेश धुरी, श्री. संतोष शशिकांत वायंगणकर, श्री. रामचंद्र दिगंबर परब, श्री. प्रकाश वासुदेव गावडे, श्री. उमेश मनोहर मठकर, श्री. हेमंत गावडे, श्री. मिलिंद मठकर, श्री. स्वप्नील मठकर, तसेच ग्रामपंचायत सदस्य सौ. कविता आशिष बोवलेकर आणि सौ. शामिका सुरेंद्र मठकर आदी मान्यवर उपस्थित होते.
सौ. सिद्धी हेमंत गावडे यांची नूतन उपसरपंचपदी निवड जाहीर होताच उपस्थितांनी फटाक्यांची आतिषबाजी आणि गुलालाची उधळण करत आनंदोत्सव साजरा केला. सरपंच सौ. रुपाली नाईक आणि पं. स. सदस्य श्री. नितीन मांजरेकर यांनी नवनिर्वाचित उपसरपंचांचे पुष्पगुच्छ देऊन अभिनंदन केले व पुढील कार्यकाळासाठी शुभेच्छा दिल्या.
यावेळी बोलताना नूतन उपसरपंच सौ. सिद्धी गावडे यांनी, “सर्व सदस्यांना आणि ग्रामस्थांना सोबत घेऊन मठ गावच्या प्रलंबित विकासकामांना गती देण्याचा आणि शासकीय योजना तळागाळातील लोकांपर्यंत पोहोचवण्याचा प्रामाणिक प्रयत्न करेन,” असा विश्वास व्यक्त केला.
