सावंतवाडी नगराध्यक्षपदासाठी युवराज्ञी श्रद्धाराजे भोसले यांचा उमेदवारी अर्ज दाखल!
सावंतवाडी । प्रतिनिधी
सावंतवाडी संस्थानच्या युवराज्ञी श्रद्धाराजे भोसले यांनी महायुतीतील भाजपच्या वतीने सावंतवाडी नगराध्यक्षपदासाठी आपला उमेदवारी अर्ज शुक्रवारी (दिनांक निश्चित नाही) दुपारी १२ वाजण्याच्या सुमारास दाखल केला आहे. सावंतवाडी नगरपालिकेच्या निवडणूक कक्षामध्ये निवडणूक निर्णय अधिकारी तथा तहसीलदार श्रीधर पाटील आणि सहाय्यक निवडणूक निर्णय अधिकारी संतोष जिरगे यांच्याकडे त्यांनी नामनिर्देशन पत्र सादर केले.
या निमित्ताने सावंतवाडी संस्थानच्या राजघराण्याने नगरपालिकेच्या निवडणुकीत आपली पहिली ‘एंट्री’ केली आहे. श्रद्धाराजे भोसले यांना भाजपने महायुतीतून उमेदवारी देण्यासंदर्भात बोलणी सुरू असतानाच त्यांनी उमेदवारी अर्ज दाखल करून प्रचारातही आघाडी घेतली आहे.
यावेळी सावंतवाडी संस्थानचे राजे खेमसावंत भोसले,शुभदा देवी भोसले,भाजप प्रदेश युवा मोर्चा उपाध्यक्ष लखम सावंत भोसले,इतर भाजप कार्यकर्ते इतर उमेदवारांचे अर्ज दरम्यान, नगराध्यक्षपदासाठी उद्धव बाळासाहेब ठाकरे शिवसेना पक्षाच्या वतीने सीमा मठकर यांचाही अर्ज दाखल झाला आहे.
त्यामुळे नगराध्यक्षपदासाठी सध्या श्रद्धाराजे भोसले आणि सीमा मठकर असे दोन प्रमुख अर्ज दाखल झाले आहेत.ऑनलाईन अर्ज प्रक्रियेमुळे भाजपची अधिकृत उमेदवार यादी आणि एबी फॉर्म येत्या दोन दिवसांत जाहीर होणार असले तरी, नगराध्यक्ष पदासाठी श्रद्धाराजे भोसले यांचा अर्ज आज दाखल करण्यात आला.याव्यतिरिक्त, आज नगरसेवक पदासाठी नऊ जणांनी उमेदवारी अर्ज भरले आहेत, ज्यात उद्धव बाळासाहेब ठाकरे शिवसेना पक्षाच्या पाच जणांचा समावेश आहे.
