सावंतवाडी दि.०५: सावंतवाडी शहराच्या सर्वांगीण विकासासाठी आमदार प्रमोद जठार यांनी महत्त्वपूर्ण पावले उचलली असून, आज त्यांनी सावंतवाडी नगरपालिकेला विशेष भेट दिली. या भेटीदरम्यान त्यांनी शहरातील विविध प्रलंबित प्रश्न आणि विकासकामांचा सविस्तर आढावा घेतला.
नगरपालिकेतआले असता सावंतवाडी नगराध्यक्षा श्रद्धा राजे सावंत भोसले यांनी आमदार प्रमोद जठार यांचे पुष्पगुच्छ देऊन स्वागत केले.
“सावंतवाडीच्या प्रगतीसाठी निधी कमी पडू देणार नाही”
शहरातील विविध विकासकामांची सद्यस्थिती जाणून घेतल्यानंतर आमदार जठार यांनी पालिकेला सर्वतोपरी सहकार्य करण्याचे जाहीर केले. “सावंतवाडी शहराच्या प्रगतीसाठी आणि येथील नागरिकांच्या सोयी-सुविधांसाठी लागणारा आवश्यक तो सर्व निधी उपलब्ध करून दिला जाईल. शहराच्या विकासासाठी मी सदैव कटिबद्ध असून, येथील स्थानिक प्रश्नांना प्राधान्य देऊन ते मार्गी लावले जातील,” अशी ग्वाही त्यांनी याप्रसंगी दिली.या महत्त्वपूर्ण बैठकीला आणि भेटी दरम्यान राजकीय व सामाजिक क्षेत्रातील अनेक प्रमुख पदाधिकारी उपस्थित होते. यावेळी प्रमोद कामत (अध्यक्ष, जिल्हा परिषद),प्रभाकर सावंत (जिल्हाध्यक्ष, भाजपा)
श्रद्धाताई भोसले (नगराध्यक्षा),श्वेताताई कोरगावकर (अध्यक्ष, महिला मोर्चा),सुधीर आरिवडेकर (मंडल अध्यक्ष व आरोग्य सभापती),अॅड अनिल निरवडेकर (उपनगराध्यक्ष)
रणजीत देसाई (नगरसेवक/पदाधिकारी),आनंद नेवगी (नियोजन सभापती),प्रतीक बांदेकर (पाणीपुरवठा सभापती)
यांच्यासह नगरपालिकेचे इतर लोकप्रतिनिधी, विविध आघाड्यांचे पदाधिकारी आणि कार्यकर्ते मोठ्या संख्येने उपस्थित होते. आमदार जठार यांच्या या दौऱ्यामुळे आणि आश्वासनामुळे सावंतवाडीतील विकासकामांना आता गती मिळणार आहे.
