नंद घर आनंद भयो, जय कन्हैया लाल की च्या जय घोषात लहानग्यांचा दहीहंडी उत्सव…..
सावंतवाडी
संस्कार नॅशनल स्कूल निरवडे येथे नुकत्याच पार पडलेल्या जन्माष्टमीच्या निमित्ताने चिमुकल्यां चा एक आगळावेगळा दहीहंडीचा कार्यक्रम आयोजित करण्यात आला होता. या कार्यक्रमात शाळेतील चिमुकल्यांनी बालगोपाळांची वेशभूषा करून दहीहंडीचा उत्साह अनुभवला.
कार्यक्रमाची सुरुवात कृष्ण आणि राधाच्या वेशात आलेल्या मुलांच्या जोड्यांनी केली. त्यानंतर, शिक्षकांनी विद्यार्थ्यांसाठी खास तयार केलेल्या मानवी मनोऱ्याच्या प्रतिकृतीवर दहीहंडी उभारली होती. शिक्षकांच्या मदतीने मुलांनी एकावर एक उभे राहून ही हंडी फोडण्याचा प्रयत्न केला. यावेळी, ‘गोविंदा आला रे आला’ अशा घोषणांनी संपूर्ण शाळा परिसर दुमदुमून गेला होता. तसेच विद्यार्थ्यांनी मटकी आणि बास बासुरी ची चित्रे रंगवली व सजवून आणली
या दहीहंडीच्या कार्यक्रमामुळे मुलांना आपल्या संस्कृतीची ओळख झाली, तसेच त्यांना सणांचा अर्थ आणि महत्त्व समजावून सांगता आले. शाळेच्या मुख्याध्यापकांनी सांगितले की, “अशा उपक्रमांमुळे मुलांना पारंपरिक सणांची माहिती मिळते आणि त्यांच्यामध्ये एकोपा वाढतो.”
कार्यक्रमाच्या शेवटी मुलांनी कृष्ण आणि राधाच्या गाण्यांवर नृत्य केले आणि सर्वांनी मिळून मिठाईचा आस्वाद घेतला. या आगळ्यावेगळ्या सेलिब्रेशनमुळे मुलांच्या चेहऱ्यावर आनंद आणि उत्साह स्पष्ट दिसत होता, आणि शाळेच्या आठवणींमध्ये हा दिवस कायम स्मरणात राहील.
